الاسم: الوعد

هديل هديتي الحيل فيني

16 ايلول, 2009

من وين يجي الصبر وكل شي فيني مقتول
من وين القى الراحة وعيني ماتذوق النوم
من كل صوب الحزن معتليني
العزم ضاع
من يصبرني وياخد الشي المقتول فيني
ياهديل يابنت امي وابوي هديتي الحيل فيني
مالقيت الراحه ولاراح القاها
تعالي نعمر البيت ثاني
حاسة بقدرة ربك وربي يرحمك برحمته
لاتقتلني وتطيحي الدمعه من عينك
يارفيقة عمري ودربي
تعالي بحضني وخذيني بحضنك
ياصبر بالله تسكن فيني وتسكن قلبها
ياالله انت اعلم بضعفي وضعفها
حرقة القلب بقلبي تكويني
نار وشابة بين ضلوعي
النوم سهران مع الليل
شكواي لرب العباد
يهدي النار بصدري
اخاوي الليل والليل يخاويني
تدمع العين والقلب عليل
اه ياخويتي من امي وابوي
تصبري بالله وادعيه يرحمك برحمته

يانار بصدري وتكويني
الهم سكن فيني
والدمع طاح من عيني
والنار بالجسم والقلب تكويني
مقتول كل شي فيني
محد حاس فيني
اتقلب على الفراش والنوم رفض يجني
كل ماانام اشوف وجهك ياهديل يواسيني
بالليل يعزيني ويخاويني
اسولف بيني وبين النفس عله شي يواسيني
اموت بمكاني واتقلب بالفراش يميني ويساري
ادور شي يشغل بالي
ماغير الدمع يدر من عيني
ماقول غير يالله تسكن الصبر فيني
وتغمض عيني
ادعيك يالله تصبرني وتجبر قلبي العليل
وتهديني
هديتي ياهديل الحيل فيني

دعواتكم لي اختي مريضة بسرطان الدم 

بواسطة alwa3d 15:16 | عبق المشاعر ولمسات الروح.. | تعليق(0) | الرابط الثابت