24 تشرين اول, 2007
يـا وجـهـي الـسـمـح
يا وجهي السمح .. خل البسمه , العذبه
كيد البشر .... لا يهمّونك .... فعايلهم
كم راي , مابيه .. عاند راي .. آخذبه
امشي .. بكيفي .. رغم آراء .. شايلهم
اهدّي الفكر ... عن شهوات .. وآهذبه
واقصر يديني .. ولو ان كنت .. طايلهم
كاتب على الصدر .. جملة , كنّي اشحذ به
يالله ... تعوّض خفوقي .. في مثايلهم
ناسٍ لهم ... كانت الاشواق .. منجذبه
والحين .. في الوصل ... ما توفي مكايلهم
غرقان في بحرهم ... ما شفت منقذ به
بعكس , احباب .. تغرقني .. جمايلهم
جرّوا رفيقي ... على أمرٍ ... ينفّذ به
وياما كفتني ... طبايعهم ... هوايلهم
واثره على جرحي الدامي ... تلذّذ به
والمتعة في الجرح ... يستخفي دلايلهم
حلف بقولة حشا ... ما يقصد يعذبه
وانا بقولة حشا ... يعمل ... عمايلهم
مسكين .. أصدّق كلامه حتّى لو كذبه
صحيح اصدّق .. لانّه هوّه ... قايلهم
تعليقات
الملف الشخصي
- الاسم: علي الخطيب
القائمة
بحث
حديثا...
استطلاع الرأي
التصنيفات
Syndicate
A service provided by Al Bawaba