.

حيّ الذي في شوفته .. يسرق العين
          كن النواظر .. حالفه ... تحت طوعه
جيته .. وانا اقبّل جبينه .. واليْدين
          واطلبه ... يطفي , لغيابي .. شموعه
عذري مشاغل دنيتي , والله لا يهين
          لا حاس , ولد اخوك , في حبّ كوعه
يا عمّي .. بسم الله وابلعن شياطين
          تبعد .. حبيبٍ عن حبيبٍ .. يجوعه
يا شيخنا .. يا فوق , كل القوانين
          يا مشابهٍ .. بدر السما , في طلوعه
يا ماخذٍ حقّه .. من الحب ضعفين
          ياللي لك .. آذان , الجماعه سموعه
والله .. كنّك في المرض واقفٍ بين
          قلبي وشرايينه ... وصدري وضلوعه
لا عاد تنشد .. الدكاتر من الحين
          عسى الطبيب .. يشوف بقعا تصوعه
بسمتك يا عمّي .. غدت كنّها دين
          وضحكتك خلّت .. كل نفسٍ قنوعه
هيّه كذا روحي .. شفوقه لغالين
          والله ياخذها .. اذا هي .. قطوعه
عمّي .. وربّي ما خلق غيره اثنين
          حتّى ولو تستنسخه ... نفس نوعه
دايم اقول انّه .. يساوي كثيرين
          وياما اسولف للعرب .. عن طبوعه
لا تحسبونه طاح .. انتم مجانين؟
          ما ينثني ... الاّ بسجوده وركوعه
الله يطوّل عمر عمّي .. ويا زين
          مسك الخطيب اللي غدينا فروعه

الملف الشخصي

• الاسم: علي الخطيب

• الصفحة الرئيسية
• الارشيف
• الالبومات
• الروابط

• وجـيـه الـتـعـاسـة
• حـزّت بـنـفـسـي
• عـشـت يـا راسـي
• يـا وجـهـي الـسـمـح
• الـعـرش
• مـا يـسـتـحـي الـهـم؟
• جـانـي بـعـد غـيـبة
• عـمـي سـلـيـمـان الـخـطـيـب
• مـلاوعـه
• عـلـى هـذا الـنـحـو

الروابط

• لها [13]
• لي [10]
• كلمة الموقع [1]
• المقطوعات [7]
• أبيات موؤدة [5]

• RSS 2.0
• Atom 0.3