17 تشرين اول, 2007
مـا يـسـتـحـي الـهـم؟
ما يستحي الهم؟ .. من طاريه بأشعاري؟
ما يخجل الحزن ... في القيفان ... بالمرّه؟
متى؟ .. يوقّف .. زماني البايع .. الشاري
واصير ... منقول .. من سوقه .. إلى بِرّه
واموت ... واطفى من الذكرى بانواري
وتبقى لي شمعه ... فلا تحرّه .. ولا تضرّه
مستصغر المتعة .. وابني فوقها .. جداري
واقول ... لتهامة .. ويّا طويقها .. حَرّه
كنت احسب الفرحة تفضح ثوبها العاري
واثاري وجهي ... على البسمات يتشرّه
يا صايد الروح .. وانته مسوّي مو داري
ياللي تبرّر .... بان النفس .... مضطرّه
ياللي جوارك نعيمي .. وغيبتك .. ناري
ياللي عجزته ... أميّز ... خيره من شرّه
ياخي تلطّف ... علامك قلي شالطاري
لا ترخص عيون .. تدمع لك .. ومحمرّه
اوّاه .. يا حالي .. لا شاكي ولا مداري
لو كان حبّك .. على مثقال .. من ذرّه
صمتي يوضّح لك .. اخطائك واعذاري
ونبرات صوتك .. تعاني ... روح مغترّه
وقتي وقضّيته .. باخبارك ... وباسراري
وعمري ... لو الله ... يخيّر عبده لاكرّه
وتصير منته .. قريبٍ لي ... ولا جواري
ولا تدوج .. بمحاني .. نفس .. مخضرّه
يذكرني الشعر .. وانته عيش , بانكاري
لو كان للذل .. عينٍ .. فانته ... القرّه!
تعليقات
الملف الشخصي
- الاسم: علي الخطيب
القائمة
بحث
حديثا...
استطلاع الرأي
التصنيفات
Syndicate
A service provided by Al Bawaba