الاسم: مدونة أحمد الصديق طلحة حيدوب
الملف الشخصي
القائمة
استطلاع الرأي
سلطان الدوبيت شيخ عبدالله ود حمد ودشوراني
17 شباط, 2010
يا ياقوتة الحضري الحضارمي زبونك
عازة وغالية وطلعن في التريا تمونك
عالية أرداف وضامرة هاف وقارن نونك
انكال بي الجمال لا من دفق ماعونك
**********
يا تمرة كريمة القاد سبيط عرجونك
لوكان أمنوك زاهد الدنية بخونك
معلومية الذكا فيها ماهرة فنونك
ربي كساك بالهيبة وصدر قانونك
**********
يا فوسيبة الوادي الروايا مرونك
حب المنقة الأناناس حلاتك ودونك
محال ما بتمتعي الحي بي هواك وشؤنك
مهوس بيك وقلبي عليك وبقيت مجنونك
**********
قمر السبعتين نورك مضوي دجونك
يقل ويقفد الحيا والصبر مسجونك
واعي الناس يضيع ما بين قسام وهونك
كل المالي مركزو صار قتيل مسنونك
**********
عودتك قامته مربوعة وكحيلة وجونك
خدك دكن الشف والفدى أذونك
ديسك كابي خمر وصندلية دهونك
ماهو غريب على لو كان ساهرنبي طعونك
**********
مختار هو النشاك ورعاك وصف ذهونك
ماك مسيومة في الأسواق منيعة حصونك
كتير من عاش مدهور وعلقنه ظنونك
نحن برانا ما بختانا سوط عربونك
**********
ظبية عنس الريل المجازي هنونك
جنيبة خيل قيافة ولابسة والكون كونك
يا اميهية الصيف في خلاك وبقونك
باب ليمك عرج واقف غفر كركونك
**********
ها الأيام على مقطوع سلك تلفونك
وقلبي المبلي رتبتيله ميدان قونك
ما دام إنتي حاملين السلط في عونك
ظلمك لي مقبول بالحريص كردونك
**********
يا سجاعة الليل الملولحة غصونك
فاقد سمحة كان ما زاد عليك مو دونك
وين يا جريعة النحل اللذيذ مشنونك
كبدت نوق مساري ومطرك ليمونك
**********
يا لولية الغواص صعيب مخزونك
قفل واختفى ومنع المودة حزونك
قمح القجة شركه وضحى بمليونك
عسى اوجد لماك وأسعد وأكون ممنونك
**********
دمك صافي تحوير المعردب لونك
بدر الكون جبينك والضلمة قرونك
ما دام انت زي نجف الخواجة عيونك
كيف بتداوى من مرضو ويطيب مجنونك
**********
الشراد بناتل في الرسن حد ليلو
عارف النية سفرة وليها شامك حيلو
الشغل الفكر تاتاي مشي ووحيلو
ناير ونادي عالي على الشباب اسكيلو
**********
برق الهنعة رف ولا وفكا ارياحو
ذكرني البفوق دهب البراتي سماحو
الخلاني أقيم الليل ملاقي صلاحو
بعد الشيب خفيف الروح جرحني سلاحو
**********
في آخر السماك ودعيني زاد لجليجو
والآهو الشتا العقبو الخريف بي عريجو
فاقد شوفة المريود وحالي ليهجو
سيفو الحاد حياتي من دهيجو
**********
رُخاً خان مطعم للبلد والديرة
شيل وقف راحل وروحي ساقا أسيرة
يا ود الشيخ مشن اليوم ضعاينو دميرة
شرب الريح وتقب في فؤادي قميرة
**********
عرب الخلا قلبي ينوح وبصري مساقد
شبكوا الشيل حمار ساعة سغيرُن راقد
حبرو العالي فوق أب مشالاً زايد
غير ما يكون بشر من الدهب شن فاقد
**********
رقد المقدر بي جريدتو اتبين
كم لله بالتيه والعتامير هين
زمنو العالي سرجو القارتيتو معين
المطمر ملان لي علوقو ما بندين
**********
إنكسر العزيز ود المهورة القاصع
أقنف ليهو فطسة وسدرو جاير وواسع
منسول الشدايد الحوري جدو التاسع
جايبو تعبنا وأمو المي دشر لي ماصع
**********
سفراً بالردي الكرباجو فوقو بجود
يا عبدالله ساقي عليهو مو متعود
البهجمبو ست الريد فلانة مهود
ادمدم رقد مين غيرو الله يعوض
**********
البارح نسيم ريحاً طلق من جبرة
ذكر عقلي بي ود العنانيف هبرة
أح من فلانة وجرحها الما ببرة
قلبي عليها ناح بعد اليقين والصبرة
**********
وا أسفاي علي صبري الضعفلي وشحه
سببو العارضة فوق شتم النحاس القحه
الخلاقا لين طبعها وسمحها
زوله فدورة النوق في العجيج قمحها
**********
شرفتا ريل وكفيتا خيل وطولها وسط
سمحة الريكا در صهبا وضميرها مبسط
من تاتاي قدومها وختوتا اللترصت
حسيت بي قلبي فارقني وكبدتي انقصت
**********
سبيك الخيل ظبي القفرن بخلاهن
راح يخرب شروط التوبة من منشاهن
فليج بسمها العقد القلوب حلاهن
السما والأرض يا دقمة فوقنا كفاهن
**********
لا آيات الله لا مال لا عرف لا فوائد
أبن مايحلحلن عقد أم وضيباً قايد
أنا واياكي يا أم خيراً موفر وفايض
نختر خترة يات من فينا ما يجي عايد
**********
جيدك والبراق فرسي رهان وندايد
حقبك والفولو الفوق النحاس مزايد
مايقك الجدي الضارب عسينو ونايد
فرك وساطع المزر أم صبيباً قايد
**********
أخد إذني وهجر جمل الرباط لي بروكو
ماضي وعادي عينو تزوغ ونايبو يسوكو
ناطع اللريل القناصو هابره شروكو
مهرة عرضة ديشة مرتبلو مكوكو
غسل الصافي بالعطرون ودهن البخه
طاغهو المتل هابرو الشروك الفخه
شديت سرجو عانيبو الظريفة ورخه
ماغيتلو السيور خايف الكرب بترخه
**********
دوار البروق الفي الروينه طريفي
ختيت فوقو جرباني وفراشي وسيفي
ود اللريل الضاربابو امومكيفي
عندو عشيو يابوشكال جلوسي وكيفي
**********
قصبة منصح الوادي المخضر برو
قعد قلبي تطوي وكل ساعة تفرو
يا خالق الوجود أنا قلبي كاتم سرو
ما لقيت من بدرك المعنى وبيهو يبرو
**********
الضير عده فوق بدر اللتيمه شتاهو
من الشلخة لامن يابس العيش جاهو
الخلاني حاتم أعود عليهو شقاهو
أدعج مايقو سابل ديسو أزرق فاهو
**********
حجار المزار بانلك شمالك شايفو
جافل من زوال حجار رقيلك خايفو
واغل التلمي بتمشي عالية وظايفو
قبل الديدبان ما يدور وإمنع طايفو
**********
قطع خور أب عشر برد خبيبك وروق
ديل قلع الحدارب وديك حفير السوق
عشانا الليلة يا قمري البقولن قوق
كبدة نوق وعين عسلاً لذيذ في الضوق
**********
ود الدينكي نايبك سُوكو وعي الغافل
خلي يتوق عليك ود الدروع الحافل
الفاق جمال ظبي الوحيش الجافل
ابيض باسمو , ديسو مقاسمو, ضامر , وكافل
**********
اللدن البموح في حَجرة الانهار
ألين منو عود الصافي لونو صفار
الحرق الفؤاد بي بصة الأبصار
حالي, وغالي,ناير, ونادي , حزمو قصار
**********
ست حد الصبا المن الشبابات قنَّع
عفيفه وقاطعه عشم السافل البدنَّع
ما دام راقيه وهبي ذكاها ماهو مصنَّع
ما في أسباب تخلي من غناها أتمنع
**********
دمي الغدا نفسي وليها رطب وريح
أصبح جرحو ينزف زاد بعد ما قيح
مرعانا تتلو الروبة وين ما يميح
ناعم وطاعم من غير ريحه جسمو مريح
**********
سجاع الفروع الامسه ليلو وصيح
ودر نوم عيوني وليه طفش وزيح
بريب السلولن بالبطاين ريح
حليل وحليل طربو وعبيرو الفيح
**********
مشتول الروا الجدول شرابو مميح
قلباً يا رشاد لي ليمو بكه ونيح
مادام راقي فاهم بالفريق ما اديح
المان إن سار دمي عندو مبيح
**********
يا ياقوتة الحضري الحضارمي زبونا
عازه وغاليه طلعن في الثريا فنونا
عاليه اردافا, ضامر هافا, قارن نونا
انكال بالجمــال لامن دفق ماعونا
**********
سمحة وضوقها لبن صهباء ودخلها مبسّط
شرفتا رِيل وكفيتا خيل وطُولها موّسط
من تاتاي قدومها وخطوتا الإنرصت
حسيت قلبي فارقني وكبِدتي إنقصت
**********
ود الدينكي ماخد في القضارف مدة
بارادة الإله أيام حسبت عدة
بلد الديسو لاعند المحازم هده
بكرة عليهو ناويين باعتماد الشدة
**********
حوش ابو الأزهري اللام كافة الأجناس
علي روسن جنينا ليه قيمة وباس
ذكرنا محاسن الجاهلة وسهرنا خلاس
لي سبب يتعب المقدر لتراس
**********
طلع الفجر والناس أغلبن ما حسا
وأنا ساهرني فوق الريدو ما بندسا
ما دام عندي تيس قنه المقاشر اللسه
الله إن أراد مع قافي الهويد بتمسى
**********
بعد قفلن قهاوي المنزل المضيوف
قمت علي البقر الصهب مردوف
قصدي عشية عندو مجال حظوظ وكيوف
**********
جملي الضهرو سالم خاتي غربه الدبره
شرع سنو قجيتلو الزمام في الوبرة
علي المقنية بت خيل القسيم أم حبرة
بشقى الساسو غالق فيتريت مو تبره
**********
دناي المسافات البيمغى غردتو
هبر شايتو وفتح قيدو البشلشل وقدتو
علي الحاميك زورك في الأرض ماتختو
إنت الليلة محسوب القضارف فتو
**********
قال لي اللمين الشورة مي في إيدك
ساعة نقضى منك قوم عليهو شديدك
أبطيت يالبضم نقع البطانة جريدك
من بلد الظريف الفرقو جارح سيدك
**********
جملي الفرط الميدان أبوهو وخالو
جدعلو رسانتو قدامو ودرعلو عقالو
المنعلقة فيهو الروح واريده مجالو
لا تنقش يابوشكال بعيد منوالو
**********
قلبي الليلة منطقت المغاني فتحة
من العاند القمح كلابي شرحة
يا عوض الكريم العيون سهر الليالي جرحه
خدو يسير وروباتو علي الكتوف لفحه
**********
أب كرمت بعد ما شدرو الغزار ما شحة
جاه مدعدع المزعوب نهار الضحة
علي هجوم السحى الدرع قلوبنا الوحة
يالليلة الأمل فيهو لا بطل لا صحة
**********
اتكجرن ضهاريك وهمبريبك برد
سون عجة النوق الجناهو مفرد
أبوكتير انملا وتباب بلول أزرد
قمري نعيمة فوق سنط الحفاير غرد
**********
دناي القفارات البعرف العوم
نقضت عليقتو باكر بيهو قصدي شيوم
كان سهل علينا الواحد القيوم
بشوفبو الكافي قاعد ومن وسط مقسوم
**********
لي تعباً مطول منو خلاي حابسو
جيتو الليلة وتبويح ضرب فوق يابسو
اب خداً بيلمع بالغضب مو عابسو
متوطي الحشم توب المحامد لابسو
**********
الهضليم بعد فته الدروك متجفل
أجدع فوق يمينك وفي مشيك لا تسفل
ما دام خالقي بي الروح والرزق متكفل
واغل درة اليمني المباعه مقفل
**********
قمز من شايتو بي دلعة وسراعة وعيد
قصدو اليوم يشوف الفوقو دخل الريد
الخلا الهرع يعمل جفيل الصيد
تقيل قدمو ومشيهو ممايحة وسنيد
**********
ود العانس العالي ومسدس جوفو
قام طربان وفرقن بالهويدا كفوفو
تاتاي الفلو العزل حميرو ودوفو
قصدو الليلة بي روح الشميشة يشوفو
**********
تقاي الدقاق جاهن رميهو شتات
مسك واسع المسافة وشارع العربات
بريبة البجازن ومهرة التابرات
أضمن عندها المرواح علوق ورباط
**********
درعات الوحيش القاد سلولن مـارق
شبت فوق قـنوب شافت بريقاً طارق
مختصره وعفيفه وناس لقاها جرارق
وين مايبين جمال تأمرلو يرجع عارق
**********
الذيبنان دخل والقلب طرى المعشوقة
برطمه نيله المزره وسماها بروقه
بت خيل القسيم ام ايمنا مطلوقه
عاجبانى نغمها دقاق وحالى نشوقه
**********
الاكليل دخل شنق وعتق ياقيه
ذكر قلبي أنس الموضعه متاقيه
السبب الخلا نفوسنا داخلات فيه
ذوقه كتير موفر والجمال حاويه
**********
الاكليل دخل شته وعتق كياقيو
ذكر قلبي انس الروبتو غامته كتوفو
المانعنا دون الحي عملنا نشوفو
ادعج مايقه عسلا صافي معشوقه حالي كروفو
**********
نحنا سهمنا دايماً في المصادف عالي
نحن العندنا الخلق البتاسع التالي
نحن للمحن بنشيلها ما بنبالي
نلوك مرهن لامن يجينا الحالي
**********
ها الأيام بشوف جروحها جداد
وتكدر ونوح النوم علي ما عاد
من فرق أم دغستاً خلقة مي مرواد
مجنون ليلى خير مالاي ضاقلو رقاد
**********
يوماً بالعتامير فوق ضهر عنافي
ويوماً شايل أب جقرة التقيل كتافي
الخلاني شايل النهار والليل حافي
خايف اللينة تطلب شيء وأقولها مافي
**********
الليلة المطيرق في نعيم وسرورة
وإت النوم عبدتو ما قريت لك سورة
ساعتين إن صبر كت تحظى بي البدورة
سعدك أصلو داك ما بجبر المكسورة
**********
من حسيس أم رشوم الحار بقول واغلبي
وما لقيت لي طبيباً بعرف الحاصل بي
شمبانيها مو براني خافس قلبي
زي هنتر نهار زنهارو واقف حربي
**********
مربوعت قوام سمحة ونغيمة حنين
كفل أمات لبب فيك يالتكيلي العين
بالدرعا العقايدك لروايده هجين
رفقاً بي العلي وأنا في هواكي سجين
**********
قت لي القالي شايفك من أمس ملفوح
سببي الزولو ما اتعشى ورقد مسدوح
وهبه جمالو غير حنة ودلال ومسوح
عفيف وطيباتو خلقة معاهو طبق الروح
**********
إن وقفت عديل وإن مشت تتفزر
وان عملت غلط تمشي وتجيك تتعزر
أبيض خاطره ورشرش عيونه مفزر
فيك شيمت الضحوي اب سحاباً مزر
**********
غنم السيسبان ضمر من الكراش
ثوب ضلوعن انظف من رفيع الشاش
الخلاني لا شايل في المدير والباش
سليب الضحى ودفع الدراهم كاش
**********
وريث كرم الجدود الفضلة ماشي عديل
بقيف في الفاقة مهما تزيد بشوفها قليل
قال للراح يوزع العلوق لا تكيل
يات من سيد جمل يدخل براه يشيل
**********
كتير من قلبه مؤمن بيك وفقك نايم
عندك مستمر ضبح أم سناماً قايم
كل الديش عموم المستقيم والقايم
بات من كان يقول إن شاء الله خيرك دايم
**********
المكرمته زي عين البحر متابعة
خلاوي مفروشة مضيفة ساقية وشابعة
خترانه الكرامة وقمنا يوم الرابعة
بي تكسي ولواري الدامر المتابعة
دوبيت ـ ودشوراني والصادق
31 آذار, 2008
الصادق :
ود شــوراني عيني السهر قبَّـــحَه
ولسنــــات الشمت في يانديم متحَّه
علي عانِس متو اللبى يتلى مني وحجه
سولك منكب جملي أب جريـــداً دحَّه
ودشوراني :
سمح الشوفة روقة الغمدة مني منحَّه
وأنا يا أب آمنه ما خلتلي توبه وصحه
ذوقه غريزة الحب في ضميري زرحه
هجَّام دوره تر عجلو وخبيرتو رفحَّه
الصادق :
بعد الشيب عمتني ونفسي مده قرحَّه
عُقب الليله عــادت للأذى البِسرحَّه
درعات القنوب بعد القلب صـارحه
مجبورين علي نـــار دقمه ندرحَّه
ودشوراني :
قلبي الليــــله منطقة القوافي فتحَّه
فــوق الاريل القمَّح كـــلابي شرحَّه
يا عوض الســلاحو الآن كبادي جرحَّه
خدو وسيم وروبتو على الكتـوف لفحَّه
الصادق :
العين ساقده بلحيل وقاسي نصحَّه
لبيع القامه في سهر الليالي دفحَّه
رب العزه في سابع السماوي رفحَّه
روَّق ذهنها وفطنها مـــاصفحَّه
ودشوراني :
وا أسفاي علي صبري الضِعفلو وشحَّه
سببو العارضه فوق شتم النحاس القحَّه
الخـــــــلاَّقه ليَّن طبعها وسمحَّه
زوله فدورة الــنوق في العجيج قمحَّه
الصادق :
تقيلة المجلس المن القبـــيح تسحَّه
من حر شوقه قلبي ينوح ودوفي إتلحَّه
الخلاني القــــايله فيكي ما بسمحَّه
مقطوع النصــيب بيك نفسو مامتحَّه
ودشوراني :
لهجك كُلمة الحنى السبيطه تفحَّه
أندى نداكي يالشتله أُم أدوباً نحَّه
الخلانه خِلَقِك بالشُكُر نمـــدحَّه
أردافك فلو وقدمـك تقيل ما رحَّه
الصادق :
إنتي فريدة العصر ونخـيل الشبره
شوفتك تذهِب الهم والليالي الغبره
بي فر براطمك وقــامتك المنتبره
أحيتيلي نـــار قُبره البتوقِد كَبره
ودشوراني :
البارح نسيم ريحــاً طلق من جبره
ذكَّر عقلي لي ود العنانــيس هبره
آح من فلانه وجرحها المــا بيبره
قلبي عليها ناح بعد اليقين والصبره
الصادق :
أخُش في مكتب الريِّس وأصُد بالعبره
أنا يا دُقمه طشَّت روحي مي منخبره
الخلاني أتختره النصيـــحه وأبره
ياقوت الحضيري الوازنو مية عبره
ود شوراني :
أرض الله الوسيعه علي بقت منشبره
من لهطي وتِقِربني كل صاحب يبره
عارفك يالظهــورِك مي رديه ودبره
فقدك أحرَّ من سم أب لـــدغةً نبره
الصادق :
راسيه وأديبه وعندك فوق ندايدك فوت
وضربك للعشوق كليح سيوف مو سوط
ناس دُقمه متلي مهددين بالمــــوت
زي كورة الهلال شــاتت قلوبُن شوت
ودشوراني :
مرجان الجواهر وفاخر الـــياقوت
غير حلاته زينة عينو ليَّ تفـــوت
الحويتو جاه بدوي الزيارتو سـبوت
شيخة كُل عارض ومن شلوخه ستوت
الصادق :
ياعوض الجســوم إتعودَّن لبلاهن
ميدان العصُر وعُقب القلوب قالأَّهن
بدر الكون كُبس الظلام ضــواهن
العال والوسط فاز بالجمـال خلاهن
ودشوراني :
سبيك الخيل ظبي القفَّرن بخــلاهن
راح يخرِّب شروط التوبه من منشاهن
فليج بسمها العُقد القلوب حـــلاَّهن
السما والأرض يا دقمه فوقنا كـفاهن
ود شــوراني عيني السهر قبَّـــحَه
ولسنــــات الشمت في يانديم متحَّه
علي عانِس متو اللبى يتلى مني وحجه
سولك منكب جملي أب جريـــداً دحَّه
ودشوراني :
سمح الشوفة روقة الغمدة مني منحَّه
وأنا يا أب آمنه ما خلتلي توبه وصحه
ذوقه غريزة الحب في ضميري زرحه
هجَّام دوره تر عجلو وخبيرتو رفحَّه
الصادق :
بعد الشيب عمتني ونفسي مده قرحَّه
عُقب الليله عــادت للأذى البِسرحَّه
درعات القنوب بعد القلب صـارحه
مجبورين علي نـــار دقمه ندرحَّه
ودشوراني :
قلبي الليــــله منطقة القوافي فتحَّه
فــوق الاريل القمَّح كـــلابي شرحَّه
يا عوض الســلاحو الآن كبادي جرحَّه
خدو وسيم وروبتو على الكتـوف لفحَّه
الصادق :
العين ساقده بلحيل وقاسي نصحَّه
لبيع القامه في سهر الليالي دفحَّه
رب العزه في سابع السماوي رفحَّه
روَّق ذهنها وفطنها مـــاصفحَّه
ودشوراني :
وا أسفاي علي صبري الضِعفلو وشحَّه
سببو العارضه فوق شتم النحاس القحَّه
الخـــــــلاَّقه ليَّن طبعها وسمحَّه
زوله فدورة الــنوق في العجيج قمحَّه
الصادق :
تقيلة المجلس المن القبـــيح تسحَّه
من حر شوقه قلبي ينوح ودوفي إتلحَّه
الخلاني القــــايله فيكي ما بسمحَّه
مقطوع النصــيب بيك نفسو مامتحَّه
ودشوراني :
لهجك كُلمة الحنى السبيطه تفحَّه
أندى نداكي يالشتله أُم أدوباً نحَّه
الخلانه خِلَقِك بالشُكُر نمـــدحَّه
أردافك فلو وقدمـك تقيل ما رحَّه
الصادق :
إنتي فريدة العصر ونخـيل الشبره
شوفتك تذهِب الهم والليالي الغبره
بي فر براطمك وقــامتك المنتبره
أحيتيلي نـــار قُبره البتوقِد كَبره
ودشوراني :
البارح نسيم ريحــاً طلق من جبره
ذكَّر عقلي لي ود العنانــيس هبره
آح من فلانه وجرحها المــا بيبره
قلبي عليها ناح بعد اليقين والصبره
الصادق :
أخُش في مكتب الريِّس وأصُد بالعبره
أنا يا دُقمه طشَّت روحي مي منخبره
الخلاني أتختره النصيـــحه وأبره
ياقوت الحضيري الوازنو مية عبره
ود شوراني :
أرض الله الوسيعه علي بقت منشبره
من لهطي وتِقِربني كل صاحب يبره
عارفك يالظهــورِك مي رديه ودبره
فقدك أحرَّ من سم أب لـــدغةً نبره
الصادق :
راسيه وأديبه وعندك فوق ندايدك فوت
وضربك للعشوق كليح سيوف مو سوط
ناس دُقمه متلي مهددين بالمــــوت
زي كورة الهلال شــاتت قلوبُن شوت
ودشوراني :
مرجان الجواهر وفاخر الـــياقوت
غير حلاته زينة عينو ليَّ تفـــوت
الحويتو جاه بدوي الزيارتو سـبوت
شيخة كُل عارض ومن شلوخه ستوت
الصادق :
ياعوض الجســوم إتعودَّن لبلاهن
ميدان العصُر وعُقب القلوب قالأَّهن
بدر الكون كُبس الظلام ضــواهن
العال والوسط فاز بالجمـال خلاهن
ودشوراني :
سبيك الخيل ظبي القفَّرن بخــلاهن
راح يخرِّب شروط التوبه من منشاهن
فليج بسمها العُقد القلوب حـــلاَّهن
السما والأرض يا دقمه فوقنا كـفاهن
تهانينا!
28 آذار, 2008
إذا كنت تستطيع قراءة هذا المقال فهذا يعني أن عملية التسجيل قد تمت بنجاح و يمكنك البدء بكتاية مقالاتك الخاصة فوراً.
A service provided by Al Bawaba