أم الخلول شعر محمدعبدالعليم
الجمعة,آب 29, 2008
أم الخلول
شعر محمدعبدالعليم
---------------------------
أم الخلول
بتقول إن الطبول فارغه
ومهما طبلت أمم
ورقصت على النغم
أم الخلول
طول عمرها
رافعة راسها
رغم شيل الحمول
والزلعه
ويوم هطول المطر
فوق الرؤؤس القارعه
شافت مياه الندى على عروق
القصب والزعازيع الفارعة
قالت اللي انكتب
بين سطور الكتب
عن الهرم والقلعه
اتنسى
ليه اتنسى
وغرق الكتاب
في الترعة
رغم لسه النار
منقادة ومشتعله
أم الخلول
ماشيه في السوق
وتقول
لكل مسئول
قول لي
يابنى انا
لابسه هدوم واللا
زى بنات البلد قالعه