محمد عبد العليم .....mohamedabdalalim

الضرب ع القفا .. إن كان من الباشا...اللوا ...والبيه.. الشاويش فى العلن مش فى الخفا... يحلى الضرب.ع القفا. ضرب الشعب... م الجيزة للعريش و النورلما انطفا.. فى عز شمس النهار.. من الضرب ع القفا عمي الجدع عبد الوفا واتقفلت على ايده الكلابيش ولا حدش قال فين الواد والكل لبس طرابيش والكل انكفا فى بلد السفه واكتفى عم عبده يلاحظ الخفافيش وعبد السلام نام وهو مليان خرابيش وسهام من خوفها على كفوفها دارت اساورها وقالت ظروفها تحتم عليها تقفل شبابيكها وتسد الشيش لحد يشوفها تضيع القراقيش ويمر الشهر وماتلاقيش ومين ضامن يعيش؟ فى بلد ماتشتكيش ممنوعه فيه السياسة ممنوعة فيه الكياسة ممنوعة فيه الكراسة مسموح فى البلد بالجوزه والحشيش والناس فى النهايه بتلعب استغمايه لعبه ماتنتهيش ووجوه خفافيش لابسه طرابيش حاسه بخرابيش من كتر الهشتكه اللى مابتنتهيش ويعيش الريس فى قصوره .. ونعيش احنا فى الخيش ويعيش الريس دا حبيبنا .. وسجون الريس تأدبنا... مليون ليله ورا ليله وشاويش الريس يضربنا... ونسكت ولا نعمل هليله ما احنا الدراويش المضروبة .. فى بلادنا اللى مخطوبة للريس وولاد الريس .. وحبايب الريس والعيله ****** لو قلنا فين الهشتكه؟ يقولولنا النهاردة بشتكه والهشتكه بكره نصبر ويجي بكره ولا فيش هشتكه وقريت فى الجرانين عناوين كاتبين الهشتكه بكرة فى الجرانين كاتبين الهشتكه والبشتكه من همبكه فى بطاقة التموين مع الشاى والجاز والبنزين