فقر دم الناس محتاج للحديد

فقر دم الناس

 محتاج للحديد

شعر :محمد عبدالعليم

 فقر دم الناس
محتاج للحديد
دا علم  و طب 
و مش جديد
و الفقير غلبان
دمه رخيص في السوق
لو سال الدم
ونشفت العروق
ولا يهتم 
عمدة الهم
بمص الدم يروق
والفقير أبو لبده
حالمان بالكبده
طمعان في الكلاوي

في الكلاوي طمعان
ونفسه يدوق
وعمدة المكان
غاوي
قلوب
نسوان
عاشق ومعشوق
حديد البلدفي السوق
زي البلد لين وطوع
ايش طمع الفقران
وكمان الجربوع؟
ايش لمع الموضوع؟
غير أبن فقريه
والسبب حرية
بص شاف   في البير

 سيخ موضوع كبير

سيخ بتاع الهرش

خاص بصاحب العرش
طمع يشيله ما قدرش
نزل لكنه  ما بانش
 من بير الحديد ما طلعش

من شهر و كذا أسبوع

طظ .. ما هو جربوع

يامن تسألني .. عن الحرية

شعر : محمدعبدالعليم

يامن تسألني

 عن الحرية

وعن الكبرياء

أتركني

أبحث عن  قطرة ماء

فجفاف الأنهارحقيقة

وضفاف الأنهار حريقة

وأمطار الصيف لا تأتى شتاء

وبلادي لا تمطر أبدا

إلا دماء

وأشلاء

ورؤوس الأحرار تتناثرفى الأنحاء

لا تسألني عن الحرية

الحرية في بلادي إدعاء

فلا تجبرني على الكبرياء

فالكبرياء ممنوع  على الضعفاء

يامن تسألنى عن الحرية

من سنوات

فانا المفتون

وأنا المجنون

وما لي قضية

أو حتى رجاء

إلا الحرية

نهار.. مساء

يامن تسألني

عن الحرية

الحرية في بلادي إدعاء

مأساة بلادي العربية

أنها عربية

أنها شرقية على غربية

والسياسات

على حسب النية

والمعتقلات

على حسب النية

والحرية

في أرض بلادي بالساعات

أو قل لحظات

حسب النية

فبلادي

كوادي النمل

تدهسه أقدام

الحكام.. ودبابات المحتل

 فبلادي وسية

تحكمها دبابير النحل

بالحرية

وللجماهير  السحل 

بالحرية

الجماهير تكتفي بالوحل

في كل قضية

 ولاتشرب إلا الخل

وتروى بدماء السحل

ففي التصفيق اتصفت بالبخل

 رغم الحرية

في أرض بلادي

فالناس سبايا

في الأرض عرايا

بلا أي قضية

والحرية

يظنوها عطية

يظنوها هدية

حاكم  البرية

يعطيها  للرعية

فإن جاءت

جاءت

فأهلا بها

وإن غابت

غابت

فذنبها على جنبها

يامن تسألنى عن الحرية

نحن شعوب العربية

لا نهتم

إلا

برغيف الخبز

والقفز

إلى نهد صبية

إلى مهد

نتناسى عليه

كلمة حرية

ونخلع كل الأردية

ونسيرجنب النهر نبحث عن بئر الماء

ممنوع أن تشرب من نهر يملكه الأمراء

أوترفع رأسك   ترشف قطرات الماء

فأمطار الكون مصنوعة للكبراء

للزعماء الرؤساء والامراء

شعر بيرم التونسى رحمه الله
الغش و الغــــــــــــلا

الأكل و الشرب فى إيد اللومنجية
و الطماعين اللى غلوا الملح و الميه
و الغشاشين اللى فاقوا على الحرامية
الشاى بالمفتشر مخلوط ملوخية
والبن فيه الشعير تسعين فى الميه
و الميه و العيش برمله و طينه يا ملوخليه
و اللحم معروض بدون أختام رسمية
و الميه هيه اللبن و لا اللبن هيه
أفاعى متسيبه من غير رفاعيه
و دنيا مترتبه ترتيب فلاتيه
وله قصيدة اخرى عن الواسطة بيقول فيها
الواسطـه لسـه شغالـه يـا رجـاُُُُلُُُـه
والحاله هياها الحالـه فـي كـل مكـان

لفندي قـال والاسطـي هيـه الواسطـه
في كل مركـز ومحطـه خاتـم سليمـان

تشغلك وانـت فـراش كاتـب بمعـاش
وتدخلك السيما ببـلاش ويـا الاخـوان

ايه اللي خلـي الملعونـه تصبـح فينـا
شريعه فوق شرع نبينـا شـرع القـرآن

طماع و عايز فوق حقه واسطـه تزقـه
لرئيس عمـل فاتـح بقـه زى التعبـان

والحق بين الاتنين ضايع وهو داالشايـع
مدير بيبلطج علي صايع عاطـل كسـلان

ومدير شريف حيرته حيره وحوسته كبيره
في مطلب الست منيره وخليـل شعبـان

يعفي ابنهـم مـن الجهاديـه والبلديـه
يجيب مخالفتها عليـه وعلـي الجيـران

داء فـي الكنانـه متمكـن او متوطـن
وجرح ضـارب ومعفـن زى السرطـان